Xiomara Maduro: No por coy color di bandera mishi cune sin mas

683

E motibo specifico e tempo cu minister Otmar Oduber a bin cu cambio den e  number di color di bandera, e minister a bisa cu aparentemente e color no ta existi mas. Nan a bin cu un color existente. Segun minister nobo di cultura, Xiomara Ruiz-Maduro, e color tabata United Nation Blue. Sin drenta den hopi detaye, anticipa riba e programa di informacion cu ta bay wordo duna en detaye di esaki, tin cu compronde cu e tempo eynan, ora cu e bandera a bin pa kico e discusion awe ta uno mas grandi, ta cu Betico, e tempo ey berdad, un detaye acerca, ta cu el a hipoteca su cas, pa mustra grandesa di e cabayero aki, pa asina busca e prome banderanan. Pero loke a pasa ta, nan no por a busk’e na un pais so. Diferente pais a trece nan aden y nan a parti nan como prome bandera. Pesey kisas tin un hende grandi ta bisa, cu e tin e prome bandera. Esaki ta e color. E otro lo bisa cu e tin e prome bandera, cu esey ta e color.

Tin un otro punto tambe, caminda cu tin un parti cu nan a print 297 y e otro 279. Den historia di nos pais, sigur locual ta e parti di nos bandera, tin hopi informacion cu nos pueblo, sigur esnan cu ta mas hoben, no tin e informacion aki. Dia di locual a bira e debate den sala di Parlamento, hopi di e informacionnan aki no tabata tin. Pesey e dia ey, a bisa minister Oduber, cu no por pretende di haci e parti aki. E ta algo cu tabata su pensamento cu el a vocifera tambe den parlamento. E ta un pensamento caminda cu bo ta respeta, e alma di e pueblo akinan. Pesey bo tin cu consulta cu pueblo. No ta algo pa crea discordia, cu ningun hende. No mester bin traha storia cu e ta rabia cu minister Oduber, of algo otro. Tin cu pensa cu pueblo tin tur derecho di tin e bon informacion y di por tuma un decision cu ta cuadra cu locual cu su alma ta pidi p’e. Bo no por bay coy un cos mishi cun’e, asina no mas.