Ultimo lunanan campaña a intensifica y cada biaha bo ta tende mas di e plannan cu e aspiradornan pa gobernacion tin.
Tur dia nos por tende di e supuesto deficit den nos presupuesto, un letania cu no ta caba nunca. Ta tur eleccion nos mester tende e mesun cos. Ta e politiconan ta parce di no ta caba di compronde cu nos kier tende cos nobo y mas cu tur cos nos como empleado publico kier tende kiko tin pa nos. Ta berdad tambe cu den tempo di campaña ta hopi promesa tin. Un bendemento sin fin di nos patria, pa haya voto, pa gana eleccion y mayoria biaha esnan cu ta cay den e wega aki kier sea un trabao den gobierno, bira ambtenaar, tin un trabao cu condicionnan di trabao atractivo, un areglo di penshun cu den sector priva no tin.
Pensando riba e campaña cu tin y tur e cosnan aki, mi mente a bay y yega te na eleccion 2001 unda e partido MEP a gana eleccion. Pareu cu e resultado tambe e berdad a dal den cara di e empleadonan publico. Masha lihe mes, e prome medida cu a cay tabata riba e ambtenaar !! Esun cu no kier corda ta paso nan no kier corda, paso nan ta asina ‘fanatiek’ (bril di palo) cu nan partido politico cu ta combini nan lubida !!
Pa tres aña, di 2002 pa 2005, gobierno a vries indexering.! Y ora a kere na 2005, cu e gobierno lo bin para pa su palabra y bin cu algo na mesa e gobierno di MEP hasta a nenga di tin un acuerdo cu na 2005 mester bolbe cuminsa negocia !! Ta bon mes cu sindicato tabatin e cartanan pa defende e ambtenaar.
Kiermeen esaki a bira un dobbel engaño pasobra, prome MEP no a bisa durante campaña cu nan ta bay kita for di ambtenaar ni keda sin dunanan !!! Comosifuera ta poco, ta bin padilanti cu hasta un arrogancia di parti di gobierno di MEP cu ambtenaarnan ta bin menaze pa paga Indexering y strobe di goberna.
Y asina mesun cos a bolbe pasa na 2008. Tabata despues di un luchamento atrobe, 7 siman largo pa exigi Indexering unda apenas algo a wordo duna.
Bunita di tur e cos aki si ta, cu a para pa RESPET contra tur e dunamento di nomber cu esnan di MEP a duna tur esnan cu a welga, Padvinders, maestronan di skol cu ta biba den Casino, cu ta keda sin duna les den dia pa hasi negoshi cu bijles..!!Straño si ta, con awendia na 2017, un boshi Polis, un hala di maestranan riba e lista di MEP, e partido cu nunca a reconoce nan derecho y pa colmo a insultanan te na vloer.
Bayendo bek na mi unda mi mente a hibami tambe a trecemi na e realidad cu tin awe na 2017. Ambtenaarnan a haya fl.105,00, a bolbehaya fl.105,00 despues fl.140,00 y ultimo fl.85,00 !! Pero tambena 2014 Gobierno porfin a yega na acuerdo con e ta bay paga tambe e 8.2% cu porcierto Tabata danki na esnan cu a welga na 2008 y no esnan cu a para un banda defende nan gobierno di MEP !
Si nos sigui e historia aki di e Ambtenaar, di su lucha pa haya Indexering, awo ta goza di BashiPremie, di Reparatiepremie y Gelijkbedrag. Acaso mi no mester duda cu MEP lo bin kita esakinan ???
Keremi, ta Abo cu bo Bril di palo so ta kere cu MEP no ta bay mishi cu nos derechonan.
Na 2019 tur e 3 premiesnan aki lo bai conoce subimento y tin un acuerdo (Tabel) di esaki. Pero no mester ta ningun visionario pa mira cu bao gobierno di MEP esaki lo bay perdi atrobe !. Pasobra MEP su storia di MEGA DEBE, di DEFICIT, di BANCAROTA cu ambtenaarnan ta kere awe, ta e mesun storia cu nan lo bin cune pa convence cu mester PARA tur cos, VRIES tur cos. ATROBE !!!!!!!!!!!!!!!!
Sa bo historia, sa bo derechonan y scucha kiko esunnan ey di MEP ta papia, bo sa di aworcaba cu nan lo mishi cu e AMBTENAAR atrobe.
