WOW Aruba 2nd Anniversary

Damanan di organizacion WOW, Women empOwering Women a celebra nan di dos aniversario na White Modern Cuisine. Durante e anochi aki miembronan a celebra un aña 2018-2019 sumamente exitoso unda cu a honra Diferente miembronan cu a destaca durante e aña cu nan contribucion na e organizacion.

Durante aña 2018-2019, WOW Aruba a logra organisa un total di  7 reunion informativo unda cu a cubri topiconan pa desaroyo den areanan profesional y personal manera “Time Management” presenta door di Laureen Eman, “Understanding Labor Law” presenta door di abogado Michelle Wever y Branding Talents workshop presenta door  di Sharleen Tromp entre otro.

Por bisa cu a logra pa anja 2018-2019 contribui na nos comunidad cu un total di  500 ora voluntario na proyectonan manera Career Workshops organisa pa studiantenan y sernan femenino buscando pa drenta e mercado laboral pa asina nan por ta mihor prepara, Aruba Doet y AHATA Coastal Clean Up, entre otro.

Organizacion WOW Aruba ta brinda un espacio positivo unda cu miembronan por topa un biaha pa luna pa sinja, comparti y desaroya nan mes den areanan personal y profesional. Plannan pa e tercer anja di WOW Aruba ta pa continua contribui na e desaroyo positivo di tur miembro, logra surpasa e cantidad di oranan voluntario cu enfoce special riba sernan femenino y studiantenan di nos comunidad.

Por ultimo, como un gran meta pa 2019-2020 WOW Aruba lo organisa un conferencia educativo unda cu lo hiba e mensahe di desaroyo personal y profesional accesibel na nos comunidad.

WOW Board 2018-2019 kier a extende palabranan di agradecimiento na tur su miembronan en especial Alysha Virzi, Shayna Harms y Jaleesa Dollison pa nan contribucion durante e anja aki. Pa mas informacion di WOW Aruba por follow riba Facebook WOWAruba y Instagram @WOW_Aruba #WOWAruba.