Diasabra ultimo bou entusiasmo grandi e celebra e dia mundial di landamento den Pisina Olimpico Roly Bisslik na Savaneta. Federacion di landamento, AZB hunto cu su clubnan miembro por a laga e publico sera conoci cu nan organisacion.
Asina nos por a mira clubnan di landamento, Open Water, Landamento Artistico y Waterpolo. Tabata tin demostracion di diferente club y tambe por a hunga waterpolo riba un cancha adapta. Interesadonan a baha masalmente Savaneta y admira tur loke e deporte di landamento ta ofrece. Por a landa liber y tambe tabata tin dino jump pa e mas chikitonan.
“E celebracion di e dia acuatico tabata un exito, nos meta tabata pa laga e publico sera conoci cu e deporte di landamento y esey ta loke a pasa tambe mirando e acohida”, Marion Kan, e presidente di AZB a comenta. E intencion ta cu tur anja lo celebra e dia aki, mirando cu tur hende a pasa bon, esey ta loke a boga pe. Arubaanse Zwembond ta un di e federacionnan cu mas existencia na Aruba y ta activo desde 1969. Tur esnan interesa den e deporte di landamento por tuma contacto cu e secretaria di AZB, Esther Croes pa medio di e mail [email protected] of manda un PM of FB: Aruba Swimming Federation AZB
