e workshop A rapid assessment of co-benefits and trade-offs among Sustainable Development Goals pertaining to the Planet. Evidence from Aruba a termina. E workshop
tabata intensivo i a dura dos siman largo. E workshop su idea tabata pa senjala e beneficionan i obstaculonan entre Objetivonan di Desarrollo Sostenible (SDG), relaciona na nos Planeta.
E methodologia ta basa ariba un estudio cu a wordo hasi dor di e NereusPrograma i cu a wordo presenta naNacionan Uni. E diferencia den e estudio na Aruba cu e estudio original ta cu awor a focus ariba un isla chikito den desarollo manera Aruba en lugar di focus ariba datos mundial. Tambe diferente na e studio original ta cu e estudio original tawata pone mas emphasis riba SDG 14 “life below water” (bida bau di lama) mientras cu e estudiona Aruba a incoopera mas metanan pa desarollo sostenibel. E Nereus programa ta un iniciativa interdisciplinario global di entre otro varios Universidadnan cual tin e tarea pa aumenta e conocimiento pa logra e mihor forma pa mantene e sostenibilidad di lama rond mundo. E workshop aki a wordo dirigi pa un expert di e Nereus Programa. Fuera di e experto aki di e Nerues Program, a bin tambe un experto di lama di UNESCO su Commision Intergobermental di Oceano (UNESCO/IOC). E experto aki a duna informacion di e importancia relaciona cu lama pa un isla manera Aruba.
Lama ta di suma importancia pa un isla chikito manera Aruba cu ta depende pa un gran parti directamente/indirectamente di lama i unda mayoria di su infrastructura di importancia ta serka di lama. E experto a indica cu Aruba ta sumamente vunerable pa eventonan di lama cu por causa desaster o perdida grandi na Aruba su economia i infrastructura.E experto a sinta cu diferente politico di Aruba pa mustra nan ariba e importancia pa Aruba pa su manejo den conneccion cu lama den cuadro di desarollo sostenible. Tambe pa mustra e politiconan cu Aruba mester realisa su mes cu clima ta cambiando. Factornan relata na lama cu antes no tabata di importancia a bira awor sumamente importante. Por ejemplo cierto tipo di zeewier ta birando un fastidio pa mar Caribe i por tin un effecto directo ariba nos turismo. Addicionalmente resake/swells por bai tin mas effecto negativo riba Aruba compara cu antes. Recomendacion ta cu Aruba mester bai den e direction di hasi un bon studio, cu datos actual, den Risico di Desastre, cu ta inclui tempo, clima, sismo i lama.Tambe Aruba mester bin cu un bon sistema di monitor por ejemplo pa tempo i lama.
E experto di e Nereus Programa, kende a dirigi e workshop aki na Aruba, lo bai analysa e datos di e workshop i despues lo brinda su informacion na UNESCO cu lo publica e informacionnan aki. Hopi experto local for di diferente departamento i instancianan di gobierno i tambe NGO-nan a assisti na e workshop aki. UNESCO Aruba kier gradici director di METEO, sr.MarckOduber kende a organisa e workshop aki i a logra hanja e fondo-nan necesario for di UNESCO internacional pa e workshop aki. Sr. Oduber ta e liaison scientifico den e commission national di UNESCO Aruba. Tambe UNESCO Aruba ta desea pa felicita sr. Marck Oduber cu e logro grandi di a wordo escoji internationalmente como Vice-Presidente di IOCARIBE pa representa e deseonan di e islanan chikito den Caribe. IOCARIBE ta e division di UNESCO/IOC pa Caribe, Merka, Sur America i America Central.
