Diasabra 23 di februari Cosecha lo ofrece un workshop pa sinja traha un piesa di decoracion cu Kwihi. Kwihi ta un material cu ta conoci como un mata fuerte y duradero cu semper a wordo husa pa decora nos casnan.
Durante e workshop, Natalia Koolman lo sinja e participantenan con pa traha un disenjo di Mandala riba un pida Kwihi. Lo asamblea e piesa pa asina por huse como un decoracion pa colga. Como nos ta den temporada di carnaval lo finalisa e piesa cu pluma.
E workshop lo tuma lugar den e Centro Creativo di Cosecha na San Nicolas y ta di 11.00 am – 1.00 pm. E prijs pa por participa ta AWG 40.00, inclujendo material y refreshment. Edad pa por participa ta 10 anja bai ariba.
Inscripcion ta necesario y esaki ta tuma lugar na Cosecha San Nicolas of na Cosecha Oranjestad.
Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un email na [email protected]. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.
