Ultimo simannan Universidad di Aruba a produci varios graduado. Mayoria di e graduadonan di e periodo aki ta personanan cu a finalisa nan estudio di ley, cual tabata e prome facultad cu Universidad di Aruba a conoce.
Dia 3 di maart Wolter A.G. Roelens a gradua di e Facultad di Ley na Universidad di Aruba. El a gradua defendiendo su tesis titula: De Arubaanse Arbeidsmarkttoets getoetst.
Miembronan di e comision di examen tawata: mr. dr. R. Bonnevalle-Kok; mr. dr. Viola van Bogaert y prof. Rene de Groot (kende a sinta pa mr. dr. Geert Pesselse).
Universidad di Aruba ta felicita Sr. Roelens cu su logro.
UA ta situa na Oranjestad, Aruba, den e edificio historico di Huize De La Salle cu antes tabata e cas di fraternan di Tilburg y for di 1937 te cu 1988 Huize De La Salle tabata di frerenan di scolnan catolico. UA a wordo funda na 1988 y ta brinda enseñansa den dos idioma, Ingles y Hulandes.
E ta consisti di cuatro facultad: Facultad di Derecho; Facultad di Accounting, Finanza y Mercadeo (FEF); Facultad di Hospitalidad y Estudio di Maneho di Turismo; y Facultad di Arte y Ciencia (e ultimo cu a cuminsa na 2009).