Wit Gele Kruis ta duna servicio no importa edad di un persona

Wit Gele Kruis ta duna servicio na un persona no importa su edad. Segun Lisbeth Arends-de Kort, coordinadora di Cuido na Cas, e grupo aki tin mes tanto aña cu Wit Gele Kruis mes.

Antes e zusternan ta haci tur cos. Nan ta baña baby, nan ta haci consulta, baña hende grandi. Pero mas of menos 18 aña pasa, a diferencia. E parti wijkzorg a bay apart. E ora ta concentra mas riba e hendenan grandi. Ta bay cerca nan na cas, ta cuida nan, ta baña nan, traha riba nan herida, y technische handelingen tambe ta haci.

Tur e parti aki ta e contenido di e zuster cu ta bay cas. Nan ta percura pa e parti curativo, pero naturalmente preventivo tambe, pasobra hopi biaha nan ta eynan pa wak kico tur ta sosode tambe. Cosnan cu a ripara no ta bay bon, ta geef aan. Si un hende grandi a bira hopi flaco, tin cu wak kico ta e motibo. Hopi biaha ta ondervoeding of e no ta haya suficiente cuminda, of e no kier come suficiente. E ora ta trek aan de lijn. Ta wak e ora pa yama e dietista, pasobra WGK tambe tin uno, cu por haci uzo di su servicionan pa duna conseho na e famia.

Loke tambe ta haci ta trata herida na cas. Pashentnan cu tin herida manera ulcus, decubitus, tambe nan ta atende cun’e, hunto cu specialista di Wondenpolie, of specialista riba su mes of dokter di cas. Hunto nan ta percura pa cuido di e hendenan grandi. Nan ta percura pa e cuido di curpa di e hende grandi pa e keda bon. Na e parti social tambe, nan ta percura pa esey. Ta informa kico tur tin na Aruba pa por atende. Tin di nan ta bay Kibrahacha, FAVI, Funari. Tur esey ta percura pa por yuda nan.

Embehecimento

Segun Arends-de Kort, WGK tin 22 personal pa full Aruba pa loke ta cuido di hende grandi. E hende cu por tuma, ta loke por traha cune. Mas of menos 130 persona. Esey ta e unico cantidad di cliente cunan por tuma. Lamentablemente nan ta traha cu wachtlijst. Tin cu nenga pashent cual nan ta haya hopi fastioso. No ta por nada ta yama. Ta duna si conseho ki pa haci. Ta pone nan riba wachtlijst y asina cu un luga bira bashi, ta yama nan di biaha.

Embehecimento, segun Arends-de Kort, ta real. Ta algo cu bo no por kita. E hendenan ta bibando mas largo. Nan ta biba mas cu complicacion si, pero nan ta biba mas largo. Nan ta riba cama, nan ta haya herida, tur clase di complicacion cu un bedpashent tin, nan tey. Hopi biaha ta haya toch cu tin pashent cu no por atende cu un personal so. Tin cu uza tin biaha dos hende, pa bay na e cas ey y pa atende cu e pashent. Eynan ta kita luga di un otro hende.

E pashent ta complica. Un hende so no por haci’e. Ora cu ripara un hende riba cama y cu e tin herida, tin contractuur, e no por move bon, e ta pisa, nan no ta yuda nan curpa. Abo tin cu yuda nan. Pa por his’e riba cama, tin cu laga un hende mas comodo posibel riba su cama. No ta djis bañe y lage con cu ta. Tin cu percura pa tur cos ta na ordo. Hopi biaha nan tin un cateter of un chup den nan stoma. Tur esey ta haci cu e cuido ta bira mas complica.

Entrenamento na famia

WGK a cuminsa cu entrenamento pa famia mas of menos tres aña pasa. A duna lezing di mantelzorg y CVA. Pero aña pasa a ripara cu no ta haya hopi hende ta atende. Hopi hende ta bisa si, pa bin cu lezing y ora bin cun’e, masha tiki hende mes ta asisti. Esey ta hopi fastioso. Ta traha duro p’e, pa extra ora, pa haci esey posibel pa e comunidad. Pero toch ta wak tiki hende ta asisti.

WGK tey

WGK no tey 24 ora pa dia. Nan tey solamente pa 8 ora so. Di dialuna pa diabierna, cu excepcion di fin di siman y dianan di fiesta. Fin di siman, solamente ta herida y hangua ta duna. No ta haci e bañamento mes. Pesey tin cu duna mantelzorg mas voorlichting, educa nan, pa nan por tuma e zorg over, ora cu e enfermeranan no tey. Hopi biaha nan ta haci uzo di otro maneranan.

Personal

Bo mester tin amor y educacion pa por haci e trabao aki. Esnan cu ta traha den wijkzorg, tur ta diploma. Tin nivel tres, nivel cuater y nivel cinco. No ta algo cu ta zomaar bo ta bay baña un pashent na cas. Ta hendenan cu ta diploma, educa y nan tin nan responsabilidad y tambe bo mester tin amor pa e trabao si. Si bo no tin amor pa e trabao, bo no tin e empatia cu ta necesario, pa bo cuida un hende na cas.

Poco interes

E interes tey. Tin zuster. Bo ta haya nan ta solicita, pero no por tuma nan. Hopi biaha e hobennan kier studia, pero kier specialisa. Loke ta pasa ta cu e basiszorg mes ta keda atras. Si nan bira un verpleegkundige, nan kier specialisa riba otro tereno, sea na ICU, Dialyse, kinder. Hopi biaha e basiszorg mes, nan no tin interes p’e. Esey si por mira hopi. Hopi biaha den hospital ta e warda tambe. Hopi di e enfermeranan di WGK no kier traha warda y esey tambe ta hunga un rol grandi. E ta un trabao cu bo mester tin amor pe, empatia pe tambe. Si bo no ta gusta e trabao aki, no haci’e, pasobra bo ta frustra bo mes y tur hende rond dibo. Pesey ta tende tanto keho tin biaha for di cierto departamentonan.

Prikactie

Tambe nan ta haci prikactie. Ta haci’e na companianan, tambe na hotel, banco. Esnan cu ta interesa hopi biaha ta yama WGK y nan ta haci e prikactie, despues di merdia pa nan. Aki ta controla presion, sucu, colesterol, BMI y tambe nan ta duna conseho. Tambe ta duna nan folder. Hopi biaha esaki ta e parti cu nan tambe ta traha pa e parti preventivo. Hendenan hopi biaha ta haya nan cu presion of sucu halto y ta verwijsnan door pa bay dokter of un otro specialista.