Wilma Haars tabata den noticia no mucho tempo pasa. E ta un hende cu nos a haya masha interesante pa busca su drechi. For di momento cu a tende cu e ta bek den libertad, despues di a meld un bom, cay sinta riba su tas den aeropuerto. Wilma Haars a duna su banda di medaya di kico a pasa.
Tabata riba dia 17 di December 2018 cu e tabata e ultimo pasahero pa drenta avion. Riba dje el a haya problema pa drenta y cu su ekipahe. Solamente na final, e no por a pone su trolly den e compartimento di ariba. El a haci un joke cu sigur lo bay tin un retraso pa su via.
Ta conoci cu si tin retraso ta haya placa bek. El a bisa como joke e ora e lo e mester meld cu tin un bom, pero esey a backfire. Aunke e ta indica cu e no a bisa nada robes. Awo, un rato despues un stewardess a bis’e cu e mester baha for di e avion, pasobra el a meld un bom. Haars a indica cu no ta asina, el a haci un joke. El a bisa bom bini, bom tardi, bom bini beach. Y hasta el a pidi disculpa na e piloto pa esey.
Haars ta indica cu e piloto hasta a bloos, y a bis’e cu e mester sali for di e avion. E stewardes a traha un storia cu “Mi tin un bom, mi tin un bom”. E joke a wordo saca for di contexto di tal indole, cu e por wordo castiga si e mester yega Hulanda.
Haars a comenta cu en principio, e ta secuestra, pasobra nan a confisca su paspoort. E no sa unda e ta. Haars a conta cu e no a topa cu su abogado mas, despues cu el a parece dilanti di hues. Pa awor aki e ta den un incertidumbre.
E hecho cu el a sinta riba su tas den e slurf, no ta berdad, Haars a indica. E sa si cu e pasaheronan a baha for di avion y a keda un anochi Aruba, y ta solamente e personal di cabina so a wordo scucha y no esnan cu realmente a presencia e incidente.
Tampoco e no tabata bao di influencia di alcohol. Henter e storia a wordo verkracht den media. Haars ta comenta cu e aerolinea a gaña.
E storia di e Boneriano cu a grita bom y cu e tin un arma, tambe ta un mentira, Haars a comenta. El a conta tambe cu despues cu el a wordo declara liber, e no a sali di biaha, el a sali un dia despues.
E ta lamenta cu nan no a blur su cara ora cu nan a areste y awo henter mundo sa ken e ta. Cu su privacy no a wordo respeta. Hulanda e kier bay, pero e no tin su paspoort.
Ministerio Publico a bis’e cu e tin un castigo di 7 aña riba su cabes, pero el a sali liber. Awo e tin cu keda Aruba te ora e logra finalmente subi avion y bay bek su luga. E ta convenci cu e no a haci nada, cu simplemente ta den un storia di Pinocho.
