E sospechoso Willys Hernandez ta bek den libertad. El a keda deteni den e accion na un cas na Casibari. Eynan a drenta e cas y confisca masha hopi droga. A confisca dos boto y auto tambe. E dia ey a drenta den e apartamento patras di e cas. Na e apartamento Willys Hernandez ta biba. A detene Willys Hernandez hunto cu Lionel Croes cu ta yiu di e doño di cas. For di prome dia cu a detene Willys Hernandez hopi hende a keda straño.
Nan no conoce como un hende asina. Hopi conoce como un persona cu ta atleta y haci deporte. Nunca a ripara cu e ta den baho mundo. Asina mes el a keda deteni y durante e proceso di investigacion autoridad mes a ripara cu e no ta meti den e hayazgo di droga. E tata di e otro sospechoso tambe a keda deteni despues y a keda sera algun dia so. Esey ta doño di e cas y ta e Polis Pensiona. Awor Lionel Croes ta deteni y ta wordo menciona cu tin otro sospechosonan cu tambe a cay den e caso. Mientrastanto Willys Hrnandez ta homber liber atrobe despues cu autoridad mes a contata cu e no tin ningun vinculo cu e caso.
Mas bien ta biba den un apartamento unda e investigacion a tuma lugar y a haya masha hopi droga den jug. Despues cu el a haya libertad, a yama un amigo bin buske. E potret aki mes ta saca den porta di su apartamento na Casibari pasa di 6or despues cu el a recobra su libertad.
