Campeonato HEINEKEN fast pitch di Aruba Softball Bond dedica na baluartenan Jacobo Jansen y Gilbert “Nando” Maduro a continua riba veld na Dragon Hitters.
White Joker ta derota The Prodigies 11-9. Boxscore final White Joker 11 careda, 6 hit, 4 error y ta laga 7 coredor na base. The Prodigies 9 careda, 7 hit, 1 error lagando 4 coredor den circulacion. Mihor bateadornan pa White Joker ta Sandrick Wester 2-1, Rajiv Cornelio 1-1 cu 3 careda anota y 1 rbi incluyendo un cuadrangular, Kurdan Josephia, Randall Wever, Rhajin Donata y Darwin Rozel tur a bay di 3-1.
Pa The Prodigies a destaca na bate Marvin de Cuba, Gregory Franken y Michael Giel di 3-1, Juan Carlos Geerman 2-1 cu 3 careda anota y 2 rbi, Joshua Lucas 3-2 cu 4 rbi. Henk Arnold ta bay 5 inning pa pone e victoria riba su nomber tirando 8 pitch permitiendo 9 careda di cual 4 ta limpi permitiendo 7 hit ponchando 5 bateador. Hilward Croes ta bay cas cu e derota. Weganan ta continua diabierna riba veld na Pos Chiquito.
