Dialuna ultimo a tuma lugar na Willemstad un reunion entre e tres Minister Presidentnan di Corsou, Eugene Rhuggenaath, Sint Maarten, Leona Marlin- Romeo y Aruba, Evelyn Wever-Croes.
Esaki ta e prome encuentro tripartiet entre e tres Prome Ministernan. Den e reunion a toca varios tema di interes comun entre e paisnan. Entre otro a toca e retonan cu Sint Maarten ta enfrenta despues di orcan Irma.
Tambe a delibera riba e retonan financiero di e paisnan. Un tema cu a haya hopi atencion ta integridad. E paisnan a intercambia di ideanan y iniciativanan den e 3 paisnan.
“Nos reunion a bay den hopi bon ambiente. Tabata pa prome biaha cu nos tres a reuni y nos a palabra pa haci esaki mas frequentemente pa asina por traha mas hunto riba diferente tereno. Mi ta hopi satisfecho di e palabracionnan haci”, Prome Minister Evelyn Wever-Croes a duna di conoce.
