Diamars anochi Wendy’s a lansa oficialmente nan Loyalty Program y tambe anuncia cu Jonathan “Jeon” Thiel, ta nan “Brand ambassador”. Segun Laila de Cuba, Marketing Director di Wendy’s, mirando cu Jeon ta nan brand ambassador, ta nifica cu e lo ta e persona cu ta bay ta e cara di Wendy’s pa aña 2019. Ya caba el a traha na 2016 y tabata asina great y leuk cu a haya e oportunidad di traha cun’e na 2019. Diamars a haci’e oficial pa tur hende sa, mirando cu hopi hende no sa ainda, Jeon ta haci tur radiojingles y tambe comercialsnan pa henter aña 2019.
Loyalty Program
Segun de Cuba, cu e Loyalty Program por acumula punto. Pa registra ta bay na Wendy’s, sea na Drive Thru of den e dining room, ta puntra e cahera pa un formulario pa por yena. Cu bo number di telefon, cada biaha cu bay Wendy’s mester geef door e number prome cu ordo, pa asina acumula punto. Cada florin ta un punto.
Loke ta pasa ta cu ora acumula e puntonan, tur luna ta bay tin diferente premio di 500 florin. Voucher di supermercado, weekend stay’s, ta bay tin biahe y na fin di aña ta bay tin cinco premio cash. E cos bon ta cu tur hende tin un chens, pasobra ta bay haci un live raffel. E Top 50 clientenan di 1 te cu 50, bo no mester tin mas hopi punto. Esun cu tin number 50 tambe por gana e premio. Ta coy tur e 50 top loyal clientnan, pone nan den un tombola y asina ta saca e ganadornan di luna y na final di aña di Januari te cu November, dia 2 di December, ta saca e ganadornan di e premionan cash.
Un cliente fiel
Jonathan “Jeon” Thiel ta un cliente fiel y awo ta e cara di Wendy’s den su promocionnan. E ta conta cu for di 2016 caba e ta cu e compania y p’e ta un placer di por ta eynan un biaha mas, formando parti di Wendy’s atrobe e aña aki. E ta un persona hopi fiel, for di ora cu Wendy’s a acerk’e, el a bisa cu sigur, pasobra nan a apoy’e semper y semper Jeon lo apoya nan tambe como compania.
Jeon ta representando Wendy’s y lo ta haciendo tur jingle, tur videoshooting, etc. Mirando for di unda e ta bin, ta haci’e sumamente orguyoso cu for di tempo e tabata chikito mira Wendy’s, y pa awo ta cara di Wendy’s, ta un sentimento unico.
