WEMA Powertool Equipment Extravaganza exitoso prome anochi caba

Pa di 12 aña ta tuma luga e Powertool Equipment Extravaganza na WEMA y durante cual evento ta haya e miho prijsnan di henter aña.

E evento a cuminsa diahuebs cu un anochi special pa e contratistanan, cual a atrae masha hopi hende di e ramo. Mas ainda pasobra specialmente pa e ocasion aki ta na Aruba representante di algun di e marcanan mas conoci na mundo.

WEMA cu Power Equipment Extravaganza weekend

Posted by 24ora on Friday, November 8, 2019

Diabierna mainta tempran e clientenan a cuminsa yega caba pa e Power equipment Extravaganza momento cu WEMA ta ofrece prijsnan hopi atractivo. Pero tambe ta atractivo ta e hecho cu tin representante di e diferente marcanan, cu por duna un splicacion hopi detaya di cada herment cu tin disponibel.  E expertonan lo ta presente na WEMA Ponton, di 9’or pa 12’or di merdia y despues di 1’or pa 4’or di atardi.

Aunke cu WEMA ta habri te cu 7’or di anochi, for di 7’or di mainta cu nan a habri ya caba e clientenan a cuminsa yega pa,manera e dicho ta bisa, esun cu yega tempran ta bebe awa limpi. E Extravaganza Equipment aki ta disponibel na tur WEMA.

WEMA tin hermentnan di marca renombra manera Makita, Milwaukee, DeWalt, Bosch, Black+Decker y Skil.

Ademas di hermentnan di marcanan renombra, WEMA tin na prijsnan special diferente otro materialnan manera extension cord, aparatonan electrico, cahanan pa warda herment, materialnan di siguridad ora di uza instrumentonan pisa, pa protege bo mes.