Rodrick ‘Rocco’ Franken no ta un persona desconoci den e mundo di farandula local, pero tambe di islanan di Caribe Hulandes y tambe di Hulanda.
E aña aki e ta cumpli 30 aña den e mundo farandulero. Y pa celebra e ocasion historico aki, Rocco lo tene su fiesta ‘Flava Town’ den ballroom di Marriott Resort. Rib’e anochi aki, Rocco lo hiba e publico bailado n’e temponan di Privé, bayendo bek casi 20 a. Un reunion despues di casi 15 aña.
Rocco a indica cu e trainingnan a cuminsa casi un luna atras, cu Prive pa locual cu ta canticanan cu nan tin hopi tempo sin toca. Tambe den Buleria Rocco tin algun cantica cu nunca el a presenta. Pues, expectativanan ta halto, mirando cu pa prome biaha Rocco lo subi escenario su so, cantando pa casi dos ora y mey. E ta bay ta un reto grandi y e ta bay p’e.
Otro di e cantantenan cu a cuminsa hunto cu Prive, casi 20 aña pasa, ta Maryann Rodriguez. Tabata tempo di Sparkling Tour, unda cu tur cos a cuminsa, unad cu doño di Prive a acerca su persona pa pidie forma parti di Prive y asina su carera den mundo di farandula a cuminsa. P’e tabata un honor di por a representa tur e hende muhenan.
Josue Kelly, drummer di Buleria a indica cu e ta all out cu Rocco, ya cu ta for di jong nan ta hunto y keto bay nan ta hunto. E anochi aki lo ta bay ta “Candela”.
Otro di e caranan conoci di e anochi aki ta Ronwayne Kock, cu tambe ta preparando den grandi pa e anochi aki. “E anochi aki nos lo toca e hitnan di Prive, manera ‘Dushi mi stima bo’, ‘Bolbe bek’, ‘Dificil lubida’, entre otro. Tambe e covernan cu Prive a toca antes. Ta invita tur e bon bailadonan, cu tabata bay tur e happy hournan di Prive antes, pero tambe e bailadonan di awe, pa bin disfruta diasabra awo den Flava Town.
Ban recorda hunto cu Prive, e dushi temponan di happy hour na Blue Village, na Wong Sheung Wong.. Hopi ambiente lo tin rib’e anochi aki.
