Diasabra anochi 6-10pm tabata tin un competencia di weightlifting na Warrior House Gym den Santa Cruz, unda varios persona di diferente gym a bin y participa of apoya.
E competencia tabata parti den tres categoria : female light weight, male light weight & male heavyweight. Cada participante a haya tres chens pa nan hisa e peso mas pisa cu nan por. E manera di score ta yama Wilks score, cual ta tuma consideracion di con hopi e persona ta pisa y con hopi e persona a hisa y si e ta homber of muhe.
Esnan cu tabata tin e wilks score di mas halto ta esunnan cu a gana. E evento tabata en general un exito grandi.
