Naturalmente durante di un interupcion di coriente asina tin hende ta experencia cu algun ekipo electronico ta daña. Riba rednan social tabata tin varios usuario cu a expresa di a perde un ke otro aparato y durante e conferencia di prensa di WEB, a haci e pregunta specifico aki na director di e compania di Utilidad, Luis Oduber.
El a splica cu den caso cu por a experencia cualkier aparato cu a daña, tuma contacto cu Elmar. Elmar ta e compania di distribucion. Nan lo atende cu e cliente y eventualmente WEB mester vergoed nan si keda demostra cu e tabata a base di e fayo. Tin un formulario cu tin cu yena na Elmar pa tipo di eventualidad asina.