Na tur ta papia aki di no menos di 25 km di caminda nobo y renoba, incluyendo 13 rotonde nobo. Pa peaton y ciclista tin 25 km di area asigna pa cana y core bicicleta.
For di rotonde di Sabana Blanco pa Punta Brabo ta 7 km di caminda nobo di dobbel via, 7 rotonde y dos viaducto cu a construi segun standard internacional y cu a haya nan certificacion.
Pa un y tur por yega nan destinacion sigur y cu e trafico por sigui circula facil riba Watty Vos Boulevard y e camindanan conecta; DOW y Cuerpo Policial ta informa cu Watty Vos Boulevard tin enkel baan rotonde, twee baan rotonde, turbo rotonde y paperclip rotonde.
Puntonan pa tene na cuenta ora ta riba e 25km di caretera nobo of renoba ta:
● Velocidad maximo pa trafico riba e caminda ta di 80 km/h.
● Ora di yega rotonde mester baha velocidad di 80 km/h pa 60 km/h te cu 40 km/h, manera e borchinan di velocidad ta indica.
● Paga tino na e borchinan di trafico di duna preferencia, zebrapad y fietspad.
● Anticipa unda bo ta yegando pa asina bo sortia den e banchi corecto cu ta hiba Bo den direccion
desea.
● Contrario di crusadanan, unda automobilistanan tin cu duna preferencia na trafico na man drechi, na rotonde trafico tin cu paga tino y duna preferencia na trafico biniendo di banda robes prome cu subi e rotonde.
● Unabes cu tariba e rotonde, 40 km/h ta e velocidad maximo permiti.
● Mester uza luz di indicacion of sign-light na momento cu ta sali for di e rotonde, pa duna
trafico bo tras y bo dilanti suficiente tempo pa mira den cua direccion bo lo sali.
Manteniendo Bo mes na e leynan di trafico, tur hende lo yega nan destinacion sigur y contento uzando Watty Vos Boulevard.
