Wardacosta ta scapa bida di pareha turista

Diasabra mainta net prome cu 10or e metal shark di wardacosta cu tabata riba patruya a topa un pareha turista cu tabata snorkel. Nan tabata mas of menos 1.5 miya for di e area di “Tres Trapi”. Mirando cu e pareha tabata basta leu for di tera a dicidi pa acerca nan.

Durante cu wardacosta tabata papia cu e señora turista a ripara cu e tabata tin dificultad pa sigui landa. Pa evita lo peor, personal di wardacosta a duna e turistanan un man mesora y yuda pa nan por a yega tera sano y salvo. E turistanan a aprecia e yudansa.

Asina por conclui cu e tarea di wardacosta ta amplio y den e caso aki a salba bida di dos turista cu dificilmente por a yega tera.