Awor cu ta bahando e medidanan di COVID-19 riba Aruba, Boneiro y Corsou, mester keda alerta. Na e momentonan aki Sur America ta un di e fuentenan di mas grandi di Coronavirus y na Venezuela tur dia e cantidad di personanan infecta cu COVID-19 ta subi. Esaki ta un motibo pa Wardacosta sigui monitor y vigila fronteranan di Aruba, Boneiro y Corsou.
E intensificacion di e patruyanan ta principalmente pa controla e traficacion ilegal di mercancia y personanan cu ta haci intento pa yega e islanan ilegal cu entre otro droga, municion y cu risico cu e personanan por ta infecta cu e virus di COVID-19.
Wardacosta ta pone tur su unidadnan disponibel pa garantisa seguridad den awanan teritorial di Aruba, Boneiro y Corsou. Ta eherce e patruyanan hunto cu unidadnan di Defensa riba laman y riba tera. Wardacosta ta keda aplica ley y detencionnan na momento cu personanan indocumenta purba drenta e islanan di forma ilegal. Tur persona y contrabanda lo ser entrega na Polis pa haci mas
investigacion.
Abo como ciudadano alerta tambe por yuda Wardacosta. Na momento cu Bo mira algo sospechoso riba laman of na costa, bo por informa Wardacosta via e number di telefon 913. E number aki ta alcansabel di dia y anochi. Hunto nos por proteha laman y e awanan di nos isla.
