Dia a habri cu e noticia cu Federal Aviation Administration a para salida di tur vuelo domestico rond di Merca despues cu e sistema cu ta brinda Pilotonan informacion di siguridad prome cu vuelo a bay offline.
FAA mesora a ordena aerolineanan pa pone un stop na tur vuelo te 9’or ET mientras cu a cuminsa traha di biaha pa restaura NPTAMS – Notice to Air Missions — system.
E organisacion cu ta representa aerolineanan a expresa cu e outage aki ta causa retraso significante den nan operacionnan. Por ehempel, United Airlines a bisa cu e hecho aki ta retrasa tur vuelo domestico.
A tuma contacto cu aeropuerto di Aruba, y a haya e informacion cu “ainda ningun vuelo a cancela of a raporta retraso. Nos ta monitor e situacion di cerca. Mayoria vuelo ta yega Aruba despues di merdia.”
Otro expertonan ta bisa cu kizas si lo por haya algun retraso na Aruba. Tin gruponan ta coi vuelonan domestico pa yega otro destinacion y despues subi nan vuelo pa Aruba. Sea esaki ta causa un retraso of e grupo di personanan aki lo mester coy un otro vuelo pa Aruba.
Presidente Biden a ordena Departamento di Transporte (DOT) pa investiga e fayo aki. “No tin evidencia di atake cibernetico aworaki, pero presidente a ordena DOT pa haci n investigacion completo di e causanan,” e secretaria di Presidencia Karine Kean-Pierre a bisa.
Aruba awe tin programa pa ricibi 12 vuelo for di Merca, di cual 8 ta di e areanan ariba di Merca y uno for di Toronto, Canada.
