Vuelo entre Colombia y Merca a cuminsa

Aeropuerto El Dorado na Bogota a resumi su operacion limita awe entre otro pa Merca. E aeropuerto di Bogota ta un di e cuater aeropuertonan cu lo tin vuelonan internacional y ta haci esey cu medidanan stricto di biosafety pa preveni brote di Coronavirus cu a forsa presidente Ivan Duque pa suspende tur vuelo internacional den luna di maart.

Diasabra e ciudad di Miami a bisa bon bini e prome vuelo di Medellin cu tabata via Cartagena. E aeropuerto di Cali, e di tres ciudad grandi di Colombia, tambe a resumi vuelonan pero solamente destinacionnan autorisa. Apart di Merca, e ministerio di salud y autoridad stranhero a autorisa vuelonan di y pa Mexico, Republica Dominicano, Brasil, Ecuador, Bolivia y Guatemala.

Tur pasahero mester mustra cu nan a test negativo pa COVID-19 pa laga nan subi un vuelo, segun e ministerio di salud. Autoridad di Aviacion Civil di Colombia, Aerocivil, ta den negociacion cu autoridad di aviacion mundial p’e condicionnan cu ta permiti continuacion di vuelonan. Sea cu un pasahero mester bay den cuarentena na yegada ta depende di e regla di salubridad di cada pais.

Con largo continuacion di vuelonan ta depende di autoridad di paisnan. Cu tur vuelo cuminsa bula ta depende cua aerolinea, manera esnan cu a haya nan mes den problema serio di finanzas despues di e shutdown di aeropuertonan. Autoridad di aviacion di Colombia ta spera pa inclui Peru den su lista di pais, pero e aeropuertonan di e pais ta keda cera te december. Aruba ta programa pa 3 di october, pero autoridadnan no a menciona si esaki ta sigui of ta mantene frontera cu Colombia cera. Recientemente tabatin un vuelo humanitario pa Colombia.