Parlamento a reuni cu Chris Romero, Marisol Lopez y Andin Bikker riba e tema di piscamento, unda cu e piscadonan kier pa laga nan sigui pisca. Parlamentario Edgard Vrolijk di MEP a bisa e mandatarionan pa nan stop di hunga cac’i sconde y pa tuma un decision.
El a reacciona riba e parti di cambia ley pero kier tira esey den scochi di Parlamento. Cos no ta bay asina pero ta duna placa pa tin conseho profesional, cu tin Directie Wetgeving en Juridische Zaken (DWJZ). Tin cu warda te ora nan haya gana di traha un ley, di cual e parlamentario tin tres aña ta warda riba dje. Tur tres tin e na nan disponibilidad y tin di uz’e si kier cambia ley. Nan mester stop di sconde y atende cu responsabilidad.
Segun Vrolijk, el a busca diferente caminda y sin DWJZ sin placa pa conseho profesional. Saba ta uza un verklaring eigenlijk pa regulacion, unda por ehempel e persona ta registra su mes, tin tanto aña, mester tin nacionalidad Hulandes por ehempel y diferente otro punto. Tur esaki tin regla na Saba cu por tira pisca sin tanto problema, manera cu Gobierno di Aruba kier hacie.
E kier sa for di minister Bikker segun e landbesluit con pa cambia y hacie un gedoogbeleid. E ta kere cu esey t’e caminda cu mester cana momentaneamente, mientras ministernan por encamina e caminda di DWJZ pa traha un ley pa haci e cambio. Tambe kier sa kico e piscadonan por spera y kico por bisa nan, pasobra a yega momento di tuma decision.
