Vrijwilligers Korps Curaçao (VKC): Dia informativo pa recluta candidato

Dia 22 di Januari 2023, Vrijwilligers Korps Curaçao (VKC) lo organisa un dia di informacion, pa esunnan cu ta interesa pa join VKC.

VKC lo cuminsa recluta persona pa cuminsa cu training e aña aki. E training lo dura mas of menos14 luna, lo tuma luga dos dia den siman,
den ora di anochi y riba diadomingo den ora di mainta. Interesadonan mester tin un edad minimo di 21 aña y maximo 35 aña pa
por participa.

E aña aki tambe lo recluta persona pa cu e team di rescate. E condicionnan pa por participa den e team di rescate ta menos, edad ta
for di 21 aña. Si bo ta interesa pa yuda den e team aki, por acudi tambe na e dia di informacion, cu ta dia 22 di januari awor. E team di
rescate tin mester di varios profesional riba tur tereno. E dia di informacion ta cuminsa 8:30 di mainta y lo caba 12 or di
merdia. Pa participa mester manda un e-mail na [email protected] cu bo nomber completo, number di cedula y number di telefon celular.

Como cu ta subi tereno militar, no por acudi e dia ey mes, mirando cu tin cu registra tur participante adelanta. E ultimo dia pa inscribi pa
e dia di informacion lo ta diabierna 20 di januari pa 12 di merdia. Ta pidi pa tur hende ta na tempo, como despues no por drenta mas den
Kazerne.