Virginia Rasmijn ta un coach profesional y ta comparti servicio mundialmente

1337

Virginia Rasmijn, un “Career and Business” coach profesional certifica y fundado di Mustang Matters Coaching, ta forma parti di e grupo di profesional cu a sigui curso di Exprodesk na Departamento di Asuntonan Economico y hunto cu algun otro dama a yega na e nivel di Master Class “From Zero to Hero: Mastermind- Empowered Women Exporters”. E meta principal ta p’e grupo aki, di “Empowered Women Exporters”, internacionalisa y crea aliansa estrategico pa asina nan por exporta nan productonan, talentonan/servicionan. Cu esaki Exprodesk tin como meta pa curasha y stimula mas hende muhe profesional cu tin e potencial pa exporta, cu nan tambe lo por logra esaki door di cera conoci cu hende muhe di “Empowered Women Exporters.”

Virginia ta sumamente contento di por comparti su servicio cu tur hende rond di mundo. A pesar cu e ta fisicamente residencia y basa na Aruba, Virginia ta ofrece su servicio virtualmente rond mundo. Cu e pandemia di COVID-19 y e crisis mundial economico cu a hinca nos den temponan di incertidumbre, ta pusha hende pa confronta diferente situacion dificil. Significativamente, temponan manera esaki ta ofrece tambe oportunidadnan pa crea un cambio pa miho.

Ora forsa bo pa adapta, portanan nobo por dal habri, y oportunidadnan nobo por bira atractivo. Virginia tin hopi pasion pa yuda otro hende muhernan discubri oportunidadnan nobo y haya sa con valioso nan ta. Haciendo esey, su clientenan ta siña conoce nan mes y nan fortalesa, confronta trauma y habitonan malo cu nan a siña den nan hubentud y cambia e idea cu trabou ta un fuente di entrada so, pero cu e por bira tambe e creacion di satisfaccion personal. Cada persona tin habilidad, caracteristica, talento y un perspectiva unico cu ta haci nan perfecto pa cualkier trabou, proyecto, of direccion di negoshi den cual nan pone nan enfoke ariba dje. Virginia tin e habilidad den identifica e balor inmenso di e capacidad scondi di hende muhe cu e ta traha cu ne. Su practicanan di coach ta data bek na e prome añanan den su carera tempo cu el a pone su soñonan riba segundo luga y a ignora su instincto cu tabata bis’e p’e bay sigui cu su pasion.

Como resultado, Virginia a haci fiansa pa studia un topico cu e no tabata stima, el a traha den industrianan cu e no tabata sinti nada pa nan, el a sinti su mes insigur den su prestacion di trabou y despues di tempo el a experencia un burnout. Virginia ta desea di yuda otro hende muhe pa siña di su propio erornan cu el a comete na comienso di su carera p’asina por prepara nan pa tin felicidad, exito, y confiansa den nan mes y carera. “Mi mester a pasa den henter un proceso di desaroyo personal pa yega unda mi ta awe,” Virginia ta bisa. “Despues cu mi a haya mas confiansa, mi por a logra mi metanan. Awor, mi kier yuda otronan haci mescos.”

Den su sesion, Virginia ta purba yuda hendenan kibra e circulo vicioso di husga nan mes y pa haya e curashi pa tuma risico, busca oportunidadnan nobo cu normalmente nan lo no a busca, pa por sigui realisa nan soño. “Asina hopi hende, specialmente den e temponan aki, ta sinti desespera, y no tin speransa di mira ningun opcion pa nan mes,” asina Virginia a expresa. “Hende ta keda pega den e pensamento cu e unico cos cu nan sa of ta cualifica pa haci ta den e trabou den e industria cu nan a bay scol p’e. E berdad ta, cu lo mi kibra bo CV bo dilanti pasobra loke ta para aden no ta mustra ni 20% di bo potencial.”

Mustang Matters Coaching y Virginia a guia clientenan Mericano, Arubiano y Hulandes caba pa resultadonan exitoso y oportunidadnan cu realmente ta showcase y honra nan talentonan. Un di su clientenan, un mama, a logra haya un trabou cu a triplifica su salario, trahando menos ora. Un otro cliente, cu e coaching di Virginia, a haya curashi pa aplica pa otro trabou cu tabata mas compatible cu ne y cu a aprecia su habilidad y personalidad mihor. Den su rol nobo, e cliente a avansa, rapidamente den un di e top empleadonan y ela sinti su mes bon den e trabou nobo. Hopi cliente ta acudi na Virginia sin sa kico realmente nan kier, ken nan ta of cua meta pa pone nan dilanti, y esaki ta completamente ok. Virginia tin e don di por yuda hende haya e confiansa y claridad pa por mira posibilidadnan ilimita pa nan mes.

Virginia ta invita cualkier persona cu ta desea di sa mas di ken nan ta, kico nan tin di ofrece, y cu kier haci cambionan significante den nan bida y nan percepcion personal pa probecha di su programanan di “Career and Business Coaching”. Por ultimo Virginia kier recorda tur di lo siguiente: “Run wild! Run free! Pasobra ora bo kere den ken bo ta, ningun hende no por stop bo di yega na bo metanan.” Pa mas informacion encuanto di Virginia y Mustang Matters Coaching por bay riba su website: mustangmatterscoach.com, riba e compania su Facebook page @mustangmatterscoaching of via telefon +297.566.6371.