Definitivamente e comunidad di St. Martin, e banda Frances di Sint Maarten, ta sumamente hostina y no ta acepta e plan di prevencion di riesgonan natural di e estado (PPRN: Plan de Prévention des Risques Naturels).
Polis (polis) cu ekiponan antidisturbio a basha abao baricadanan y a paga candela den containernan di sushi pa desblokia e camindanan principal di e banda Frances diahuebs, mientras cu nan tabata tira gas lagrimogeno pa dispersa e manifestantenan, den e señal mas fuerte cu e populacion local di St. Martin.
Ta pensa cu e informe faborabel di e Comision di Investigacion y e conclusionnan riba PPRN publica diamars a desencadena e ultimo protesta mientras cu e problema actual di e situacion di awa potabel ta un otro problema.
Sinembargo, e ultimo problema a keda resolvi, segun un anuncio di e prefectura diahuebs, y otro siman lo duna “luz berde” pa bebe awa for di kramchi, si e autoridad regional di salud (ARS) confirma resultado di e ultimo test.
A blokia camindanan na St. James, Grand Case y French Quarter, paralisando trafico y treciendo actividad normal na un paro. E disturbio a sigui henter dia y hasta anochi.
E Prefectura a apela pa chauffeurnan no uza e camindanan si ta absolutamente necesario. Tur transporte di bus di scol a wordo cancela pa e dia y a ordo tur scol publico pa cera awe, diabierna.
Sandy Ground, e escena principal di un enfrentamento prolonga entre polis y e manifetantenan desde hopi tempran mainta, tabata parce un zona di guera pa 1’or di merdia cu escombro y tire cendi na candela plama tur caminda.
A cende varios auto kibra y baricadanan y un huma diki preto a yena e aire. Autonan kibra tabata blokia e caminda principal na ambos banda di e brug, mientras cu un grupo grandi di manifestante a podera di dje, impidiendo e acceso, cu excepcion vehiculonan di emergencia.
A pasa mas of menos dos ora prome cu e polisnan a dicidi di habri paso door di e brug, desde e banda di Marigot, respalda pa un convoy di truck y otro vehiculonan e Gendarmerie.
E manifestantenan tabata burla di e polis y tabat tira piedra y otro proyectilnan riba nan. polis a respode cu gas lagrimogeno. Por a scucha varios explosion duro, pero no a confirma kico nan tabata y si lo tabata parti di e armamento di control di multitud di polis (Gendarmerie). Tambe por a mira polis uzando bodycam y uzando un drone den laira pa filma e protesta.
No tabata tin informe inmediato di cualkier herido of aresto. Una bes riba e brug, e polis a topa cu mas resistencia di e manifestantenan mas dilanti na Sandy Ground, a medida cu nan a lanta mas baricada.
E manifestantenan a uza e cayanan small pa frustra e polis. Mas tempran, banda di 10’or di mainta, polis lo a retira baricadanan di pallet y containernan di sushi na St. James, hayando menos resistencia di parti di e manifestantenan.
E escenanan aki a wordo ripiti na Grand Case y French Quarter. Manera cu nan a remove e baricadanan, nan a surgi un biaha mas mas despues, cu a sosode den e atardi na e crusada di Rue Kennedy y Rue Lowtown y un biaha mas na St. James, atrapando e chauffeurnan cu a haya nan mes forsa pa bira of warda indefinitivamente.
E protestana a sigui te laat den anochi, caminda cu tabata tin candela ainda cendi riba e brug y camina cu un drone di polis y un pickup a keda destrui. Candelanan a sigui kima na e rotonde di Agrement y otro luganan. Trafico a keda pega te laat.
“E pueblo ta cansa y no ta wordo tuma na seriok,” Lenny Mussington a bisa. “Ta dos aña caba cu nan no ta permiti pa reconstrui y bibando den condicionnan deplorabel. Nan a cansa. Y con por ta posibel riba un isla cu ta depende riba turismo cu e desaroyo economico ta blokia na e costa.
Tin un lista di demanda pa e movimiento Union du Peuple travailleurs St. Martinois, caminda nan ta demanda awa potabel, terenonan na e costa pa esnan cu ta 30 aña bay ariba. Tambe nan ta pidi pa sto pcu cotrolnan hudicial contra habitantenan cu kier reconstrui nan cas despues cu Horcan Irma a distrui esakinan. E demandanan aki ta den consideracion pa e comision di investigacion, pero te ainda no sa ki ora nan ta wordo implementa.
