Farandula local sperando diaranson awo riba e produccion nobo di artista Edward Van der Biezen. Porcierto un cantante cu tin algun tempo sin presenta cancionnan nobo, a bin pa complace tur esnan cu tin ta spera riba dje, cu un tremendo produccion.
E cancion nobo aki ta bin mes ora acompaña cu su video clip cu ta trend actual entre tur artista na momento di saca cualkier produccion nobo. Intencion di e produccion aki ta prome cubri e region local y hermana islanan den Caribe y adapta e version original den idioma ingles y spaño pa asina subi mercado internacional.
No por keda sin duna un pida chikito como preview na e fanaticada cu ansiosamente ta wardando pa e produccion aki sali pesey a duna un pida chikito pa tene tur hende pendiente diaranson awo. Sintonisa diaranson mainta e programa di Jonathan Lake “Ta su Ora” na Canal90 pa 10:00AM y asina haya e prome presentacion oficial y completo di e cancion nobo aki.
