Diabierna anochi tres auto a accidenta riba e caminda di Playa pa San Nicolas. Dos auto Sedan y Un Pickup ta e autonan envolvi. A saca varios unidad di Polis y tambe ambulance pasa di 10or pa e sitio. Banda di Cura Cabay e accidente a sosode entre e tres autonan. Den un di e autonan tabata tin hende pega.
A pidi bomberonan cu ekipo di rescate pa libera e victima pega den e auto. Un chauffeur bou influencia di alcohol a keda deteni pa Polis. Paramediconan a controla e sospechoso tambe pa mira si e ta bon di salud prome cu Polis bay cune pa test riba machine grandi na warda.
Victima pega den auto ora tres auto a accidenta na Cura Cabay
Victima pega den auto ora tres auto a accidenta na Cura Cabay. Click e link pa mas https://24ora.tv/308eamV
Posted by 24ora on Friday, May 10, 2019
A pidi presencia di takelwagen pa presenta na e sitio pa hala e autonan accidenta despues cu Polis caba di investiga. E Pickup tabata bayendo San Nicolas y e chauffeur a perde control dal den e auto blanco bayendo abou. Despues e auto blanco a bay dal den esun para dilanti e ex cas di Ho Sing Loy.
