Victima mara den cas: Atracadonan cu arma di candela a bandona sitio den un auto shinishi

7469

Diahuebs atardi polis a dirigi su mes cu urgencia na un cas na Balashi pa un caso di Atraco cu arma di candela cu a tuma luga.

Den careda 2:30 PM ta pidi presencia di polis pa un atraco cu mester a tuma lugar na Balashi 38-A. Na sitio, vocero di Polis Lito Lacle a duna e prome informa di e sucedido. Ta trata di un atraco arma caminda cu dos y/o mas persona a drenta e cas, mara un persona di edad ( masculino riba 70 aña ) y pasa na atraca e persona.

locual cu por a saca afo ta na e momento ey cu tabata ta trata di e personanan cu tabata comunica den idioma papiamento. Por lo menos un tabata papia papiamento mientras e otro tabata papia spaño. E atracadonan tabata arma y a exigi placa di e victima. Ora nan a ripara cu e persona no tabata tin efectivo den su poder pa nan bay cu ne, nan a bandona e cas lagando e victima mara den trauma.

E ora exacto di e atraco no ta conoci ainda, pero despues di un rato e yui di e victima a yega na e cas y a haya su tata mara. Mesora el a bati alarma na e authoridadnan concerni. Polis a presenta mes ora, mientras a haci uzo di e helicopter pa bula sondia e area pa cualkier movecion di e vehiculo y/o sospechosonan. Segun informe, e atracadonan mester a huy den un auto color shinishi, marca y modelo di e vehiculo no ta conoci na e momento aki ainda.

Crimen asotando Aruba: Atraco Team investigando caso di Atraco na Balashi cu hende mara y maltrata.

Crimen asotando Aruba: Atraco Team investigando caso di Atraco na Balashi cu hende mara y maltrata. Click link pa mas https://24ora.news/2TOqg3a

Posted by 24ora on Thursday, May 28, 2020

Ambulance y slachtofferhulp a presenta na sitio pa asisti e dama cu a drenta un estado di histeria y schock/ panico cual sigur ta comprendibel tambe.

Vocero policial ta remarca tambe cu e situacion a cambia. Awo e a elimina Shelter in Place y Toque de Queda, a bin ripara cu criminalidad tambe a cuminsa subi. Ta constata cu ta trata di e di dos atraco den un siman cu e mesun modus operandi unda ta atraca habitantenan y maranan den nan mes un cas.

Vocero di Polis Lito Lacle ta conseha cu lo ta bon pa bisiñanan den diferente bario lanta un tipo di Neighborhood Watch, unda por monitoria pa medio di Whatsapp cada movecion of persona sospechoso en bario y manda un alerta den e Chatgrupo pa asina activa esnan den bario y purba evita actonan criminal tuma luga. Den pasado na diferente bario rond Aruba tabata tin e tipo di Neighborhood Watch aki presente.

Nos Pais ta pasando den un crisis economico nunca antes visto y ta premira mucho mas caso asina den futuro. Atracao team tabata na e sitio y a cuminsa cu nan investigacion y ta spera cu resolve e caso aki mas pronto posibel.