Na Sero Blanco 83 y 85 a haya bishita di ladron dialuna mainta. Ladronnan a drenta tur dos cas parti patras. Na un cas nan a kibra glas parti patras. Na e otro nan a kita shutters pa drenta den e cas. Na 83, a pidi pa no mishi cu nada te ora cu ekipo forensico di polis bin, mirando cu nan a pasa door di e cambernan.
E señora, porcierto cu a bira victima di un atraco algun dia pasa ora a horta su placa di pensioen bay cune, no por bisa si ta haya falta di algo ainda, mirando cu a bise pa no mishi cu nada. Na e otro cas, doño di cas a yega su cas for di trabao, mirando cu nan a yam’e pa bise cu nan a kibra drenta su cas. El a yega y a topa cu e shutternan di su cas saca for di nan luga, te cu nan a drenta. Bisiña cu ta biba su tras, kende ta e persona cu nan a atraca poco dia ey, a bin door cu el a scucha e glasnan kibra. Pero pa ora cu el a yama polis, ladronnan a sali bay. Na adres 83, nan a drenta via bentana patras y sali via bentana dilanti.
