Diahuebs veredicto caso Zinnia Croes

780

Mañan Diahuebs mainta e Polis, Jadira Vriend, lo scucha for di Corte e decision den e caso cu Ministerio Publico a presenta contra dje. Un caso cu a tuma luga na maart 2015. E Polis, bisti na civil, a stuur auto bou influencia di alcohol, ya cu e mes a admiti di a bebe alcohol e dia ey, y a causa un accidente durante cual el a alcansa un mucha di 12 aña, Zinnia Croes, kende a fayece un dia despues na Hospital.

E caso aki finalmente a bini dilanti despues cu mayornan di e menor a pidi Corte Comun di Caribe Hulandes (Corte di Apelacion) pa ordena Ministerio Publico procesa e caso, cu a wordo poni un banda debi na hopi contradiccionnan y falta di informacion, cualnan despues no por a wordo investiga mas. Esaki a wordo señala tambe den Corte, tabatin fayonan cometi unda cu e personanan cu a haci e investigacion no tabata e Polisnan responsabel pa haci investigacion di accidentenan fatal.

Durante tratamento di e caso a sali na cla cu e Polis, sospechoso, a ricibi un castigo disciplinario. A mande atras den rango, a baha su salario y otro beneficionan. Y awor ta sper’e un otro castigo mas di Corte. Fiscal a pidi un castigo di 240 ora di trabou pa comunidad, un curso di 24 ora pa no maneha bou influencia y kita su rijbewijs pa 2 aña.

Mañan Diahuebs dia 5 di juli pa 8.30am Corte lo anuncia su sentencia den e caso penal aki.