Diahuebs merdia ta pidi presencia di polis riba Watty Vos Blvd pa un vehiculo cu lo a accidente y keda riba su dak. Informe na sitio a indica cu e vehiculo lo a pasa e particion meymey di caretera, gara impulso y bay halto pa despues finalisa boca abou na e mes un banda di e caretera.
Tin cu bisa cu afortunadamente e chauffeur no a resulta herida pero tampoco ningun otro persona den trafico cu tabata encontra nan mes riba caretera e momento ey. Ta papia di un fayo ( un piesa lo a kibra ) cu vehiculo cu por ta causante cu e chauffeur a perde control di su vehiculo.
Ambulance a presenta na sitio y a hiba e chauffeur pa un chekeo medico aunke e tabata bisa di ta sinti su mes bon y no ta herida.
