Lo bay tin un evento internacional di Karting, caminda cu Aruba lo participa. Carlos Augusto, manager di Bushiri Karting, a conta cu e kartnan cu nan ta uza pa huur (rental), ta di e marca Frances Sodi. E compania aki, tur aña, ta acerca tur esunnan cu tin karts di nan marca pa asina organisa un competencia internacional.
Campeon di cada categoria, ta haya e oportunidad pa competi internacionalmente, cu mas di 40 pais cu ta envolvi.
E aña aki, pa di tres biaha sigui, Aruba a cualifica. Lastimamente aña pasa tambe Aruba a cualifica, pero ningun driver no a bay, debi cu a cancela e evento door di COVID. E aña aki un biaha mas a haya un team cual ta Team Do-It, cu ta bayendo pa di dos biaha. Casualmente e lo tey bek na Italia. Nan tin ya caba un experiencia na Italia y a haya dos spot mas pa individual, cual ta Sprint Cup. caminda cu tin dos coredor cu ta bayendo pa prome biaha.
Eldrick Nogera, piloto di kart, a splica cu e presion ta andando. Door cu no a keda mucho dia mas, a purba di train dos pa tres biaha pa siman, pa asina lanta condicion y prepara lo mas miho posibel pa representa Aruba na Italia.
Eugene Leonardo, un otro piloto cu tambe lo bay participa na Italia, a indica cu e presion ta hopi grandi den training. Tin cu wanta hopi bon condicion. Ta hopi ora di careda. No ta algo con cu ta. Mester ta bon getrain. Tin cu tene cuenta cu lo bay entre e 80 drivernan cu ta top na mundo. “Bo tambe kier ta bon hunto cu nan.” Pesey e training mester ta riba un high lvel cu por competi cu nan, ta loke Leonardo a indica.
Pa mas detaye lesa matutino TREMPAN.
