Diahuebs anochi pa mas of menos 7:40, polis a bay direccion cruzada di Kadushi Largo, pa un accidente cu hende herida.
Na yegada polis a topa cu un Hyundai Tucson color blanco hinca den mondi y e otro ta Kia truck cu basta daño material p’adilanti.
Den e Tucson tabata tin un famia completo, caminda varios di nan a resulta levemente herida.
Aparentemente chauffeur di e Kia a caba di traha y tabata bayendo su cas un poco mas p’ariba na Angochi.
Yegando na e cruzada, e ta bin topa cu e Tucson, cu tabata subiendo e cruzada na su man drechi, cu e consecuencia ta dal e Kia Truck, cu tabata bayendo p’ariba, pone spin completamente cu el a keda cara p’abao.
Despues di e accidente, na momento cu e chauffeur di e Kia tabata buscando manera pa avisa su famia, no por a haya esaki y a conclui cu esaki a wordo horta.
Na yegada di e prome unidad di Ambulance cu ta e Rapid Responder, a evalua e situacion y a pidi pa dos ambulance, caminda cu a trata e famia. E chauffeur di e Kia tambe a wodo revisa pa paramediconan, pero e no tabata grave.
Unico persona cu a bay hospital, tabata chauffeur di e Tucson. A pidi pa takelwagen pa asina hiba e autonan na nan respectivo destino. Daño material ta considerabel.
