Den oranan di mainta a mira cu diferente persona a vocifera nan mes rond di e ilegalnan cu tin sera na Guarda Nos Costa. E scucha tambe Trudy Hassel y Icho Matos comenta riba e situacion. A aclarea e kehonan cu tabata tin relaciona cu e situacion di ilegalnan cu tin varios siman sera sin por wordo deporta of cu por haya nan libertad.
Aruba no tabata prepara pa atende cu Asilo. Hendenan cu carta di Asilo tambe tabata sera. Un grupo di e hendenan aki cu carta di Asilo a ser gara ta traha tambe. Tin diferente situacion cual motibo tin hende sera na Guarda Nos Costa. Dialuna anochi a tende cu varios di esnan cu ta sera a haya nan libertad. Ora a tende esaki a busca contacto mesora cu e hefe di Guarda Nos Costa.
El a splica cu berdad a haya contesta negativo pa varios cu tabata wardando riba nan Asilo. A base di e contesta a opta pa laga nan bay liber pero tur dia nan mester meld nan mes. Ademas a duna nan 7 dia pa nan regla nan asuntonan pa asina bandona Aruba.
No ta conoci si den e 7 dianan aki ainda nan por busca nan derecho y bay contra e decision negativo riba nan asilo. Mester remarca cu e proceso pa Asilo ta tardando y esey ta causando hopi problema. Na Hulanda den 28 dia tin un contesta y bo ta keda sera pendiente e contesta.
Na Aruba a haya un avalancha di hende for di Venezuela cu a pidi Asilo y no por a handle cune pa falta di preparacion. Ademas e leynan cu tin pa situacionnan asina mester conoce cambio y e cambio ta den man di parlamento y maneho di e gobernacion.
Guarda Nos Costa ta aplica ley. Diamars a keda di tende mas di Sra Trudy Hassel riba e decision pa laga basta di e hendenan deteni bek den libertad pendiente nan meldplicht.
