Diamars atardi algo prome cu 6 PM a sosode accidente serio riba caminda di Seroe Blanco pa nort di Bo Wah. Cinco persona a resulta herida, dos hende grandi y tres mucha. Polis a yega cera caminda pa trafico. Ambulance a atende cu heridonan y transporta nan pa Hospital. Brandweer tambe tabata tey na e sitio pa duna un man.
Tabatin tres auto envolvi, chauffeur masculino di Suzuki Celerios direccion Oranjestad a bay pa bira banda robes, net su tras tabatin chauffeur masculino di Nissan Tiida a wak e auto su dilanti mucho laat a bay pa hala pero tog a dal den e Celerio.
E Celerio den impacto a bay den dal trafico contrario, Hyundai Sonata. Chauffeur di e Celerio como esun di e Sonata a keda transporta pa Hospital. E homber tras di stuur di Celerio a fractura su man. Door di impacto e chauffeur di e Sonata a sinti su pecho, debi airbag a activa. E muchanan na final no tabatin mester di atencion medico mas avanza.
