Varios carne venena na Savaneta

Auberto ‘Beto’ Haayen ta un conocido criado di bestia den e bario di Savaneta. E tin basta carne ta criando, diahuebs el a haya varios di nan morto. Aparentemente a venena nan. Esey ta loke el a ripara ora cu el a bay saca su bestianan pa nan bay cana. Awo el a keda cu solamente setenta carne, cu e ta cumpra den exterior y cada carne ta costa cinco mil florin pa yega te Aruba. Ta un gasto grandi Haayen tin y naturalmente un tristesa pasobra e stima su bestianan.

E situacionnan aki ta precario, ta loke cu Haayen a bisa. Haayen mes ta un persona malo y ta na man di dokter, unda cu e mester a haya varios test.

E tin un hoben ta yud’e cu su bestianan awo cu e ta malo. Sinembargo diaranson atardi e hoben a mira cu e bestianan ta straño.

Diahuebs mainta trempan Haayen a bay wak su bestianan y topa cu e situacion, unda cu el a topa cu su carnenan morto. Ta carnenan cu el a bin cu nan fo’i Merca y cu ta costa hopi placa, manera ya indica. Ta dos golpi Haayen a haya, ta e dolor cu e tin y morto di su carnenan.

Pa mayor detaye lesa TREMPAN mañan.