Varios bario sin coriente diadomingo anochi

Pa mas o menos 8:00pm varios bario rond di Calabas, Catiri y vecindario a experencia interupcion abrupto di coriente. Esaki ta bin apenas algun dia despues cu henter nos pais a conoce un “Black out”. Ta for di e dia ey constantemente tin problema di flata di suministro den diferente bario, aunke ta di duracion corto.

Despues di mas o menos un ora, NV Elmar a informa cu tur e barionan a haya coriente bek y cu suministro a normalisa. Sinembargo npo a menciona e motibo dicon e barionan a perde coriente riba un pleno diadomingo anochi.