Vangrail a haci su trabou y scap’e di desgracia

2436

No sa e motibo pero un cos ta sigur, e vangrail a haci su trabou y evita lo peor.

Un rato pasa, den careda di 11:00AM, un accidente a tuma luga riba Green Corridor. Riba caminda principal na altura di Young Fellow biniendo direccion Playa, un chauffeur lo a perde control di su vehiculo y a bay dal den e vangrail na su banda drechi.

Accidente fuerte riba Green Corridor

Accidente fuerte riba Green Corridor. Click link pa mas https://24ora.news/3py9GRX

Posted by 24ora on Wednesday, February 17, 2021

Por a tuma nota di e impacto parti dilanti di e vehiculo y e distancia caminda cu el a bay para, como tambe direccion cu el a termina, cu ta cara pazuid despues di a dal den e vangrail.

A pidi presencia di ambulance na sitio como cu e tabata levemente herida. Polis tabata tin e caretera cera for di rotonde Drive Inn direccion Playa pa un rato.