Alumnonan pendiente di nan scol stima diadomingo a tuma contacto cu maestronan di scol pa avisa nan cu nan a mira graffiti cu palabranan ofensivo riba propiedad di scol.

Mes ora a bay verifica pero mirando cu ta oranan di anochi a opta pa laga dia habri pa asina actua riba e sucedido. Na momento cu a yega scol por a constata cu porta di scol tabata kibra y cu malechornan a kibra propiedad di scol pa drenta y comete nan actonan.

Un di a docentenan a informa cu durante vakantie den luna di juli ya caba a ricibi bishita indesea caminda e porta a keda destrui. Suma cuantioso a bay pa drecha e porta, cu ta un porta special cu yabi/locknan dificil pa encontra. Un fecha specifico no tabata tin di e incidente anterior pero esun di ayera nochi si. A tuma contacto di biaha cu polis pa cuminsa proceso di investigacion.

No por ta asina cu Maria Goretti School ta keda bira victima di vandalismo. Ta lamentabel cu tur indicacion ta mustra cu ta traha di hobennan mirando locual a expresa. No kier asumi ni descarta cu ta trata di hobennan cu a forma parti di e scol anteriormente pa evita cualkier sensacion cu e por crea rond di grafittinan cu lo bira motibo pa sigui vandalisa cu nan supuesto “arte” lo a subi rednan social.

Probablemente e hobennan lo a bula e cura di parti pafo pa drenta tereno di scol y asina ey haya acceso pa despues pasa pa comete vandalismo tanto riba e porta como parti paden di murayanan di scol.

Comments

comments