Ainda tin hopi hende ta subi caminda cu auto sin rijbewijs y auto sin seguro. Diaranzon atardi laat mes a sosode un accidente. Ta custumber cu ora un accidente sosode, semper bo ta yama 165 pa asina nan bin atende e accidente. Den e caso aki, un Nissan Sentra a lora dilanti di e van di Forensys pa drenta e parkinglot di CMB na Noord. E chauffeur di e van a brake pero asina mes nan a dal. Den e caso aki e trahador di 165 mester a yama 165 pa su mes. Ademas mester a yama Polis tambe. Ora cu a bay atende cu e chauffeur a bin saca afo cu e no tin rijbewijs. E otro persona den auto tampoco tabata tin rijbewijs. Mas despues un familiar a trece algun papel pero esaki tambe a caduca na April. Probablemente despues di atende e accidente e multa tambe lo bin. Despues cu Polis motoriza a atende e accidente, un familiar cu rijbewijs a sigui cu e auto asina mes riba caminda y sin seguro. Polis no a confisca e auto pa falta di seguro.
