Van a pega tras di pick-up y chauffeur a keda pega den auto

Poco prome cu 12’or di merdia ta sosode un accidente riba caminda grandi di Playa pa San Nicolas, net na e crusada grandi dilanti di Marinierskazerne. Un van di entrega cu tabata bahando pa Playa pa motibonan desconoci no a mantene suficiente espacio y dado momento a dal den e pickup su dilanti.

E impacto tabata basta fuerte unda cu e parti dilanti di e Van a keda completamente destrui y e chauffeur a keda pega. Mester a haci uzo di ekipo pisa di Brandweer pa corta algun parti di e vehiculo pa logra libera e chauffeur, kende despues a wordo transporta cu ambulance pa hospital. Manera por mira, e daño material tambe tabata grandi.

Comments

comments