Departamentodi Salud Publico ta informa cu e vacuna contra influenza ta disponibel ainda nanos servicio di Malesanan Infeccioso.
Tur persona cu ta cay bou di e grupo di riesgo por pasa busca nan vacuna completamente gratis cu nan carnet di AZV y un resept di nan docter di cas. Adulto mayor riba 60 aña por presenta cu nan carchi AZV solamente. Esnan cu no ta cay bou di e grupo di riesgo cu kier e vacuna,por cumpra esaki pa Afl 20,-.
Bou di grupo di riesgo ta wordo referi na personanan cu ta na risico pa desaroya complicacionan grave manera bronkitis y pulmonia pa motibo di griep. E personanan aki ta hende grandi riba 60 aña, mucha bou di 2 aña, personanan cuta sufri di malesanan cronico of malesa di nan sistema respiratorio. Tambe personanan cu obesidad, na estado y cu ta sufri di un sistema inmunologico abou.
Pa mas informacion por tuma contacto cu servicio di Malesanan Infeccioso di Departamento di Salud Publico na 5224200.
