Diaranson mainta tabatin otro accidente den cual un di e vehiculonan di off road UTV tabata envolvi. E dos personanan den e vehiculo tabata turistanan cu a dicidi di disfruta di e naturalesa di Aruba y na subida di Sero di Arikok, a perde control y a bolter cu e vehiculo.
Rapid Responder a yega na e sitio pa duna e prome auxilio mientras cu tabata sperando riba ambulance. Un di e damanan mester a wordo hiba hospital pa tratamento medico, aunke cu su situacion no ta grave, pero e por tin un fractura ya cu e man a keda pega bou di e UTV.
E vehiculo, a sufri basta daño, y nan tabata rumbo pa conchi.
