Diahuebs rond di 11.30 di mainta ta pidi ambulance cu urgencia pa un accidente den Parke Nacional Aruba, na Arikok, unda un biaha mas un di e vehiculonan special, UTV ta envolvi.
Ta trata aki di un turista femenino, kende hunto cu su pareha tabata disfrutando di e area panort di Aruba riba un UTV ora cu a perde control di e vehiculo y a accidenta den bisindario di Conchi.
Ambulance no por a yega te na e sitio, pa cual e paramediconan a mobilisa den un vehiculo di Parke Arikok pa busca e victima, kende no tabata asina grave manera a pensa na prome instante.
A trece e turista femenino cu diferente rasca na su curpa te na entrada di Parke, unda a hinke den ambulance pa hib’e hospital a control medico.
