Utilities mester paga Franklin Hoevertsz casi 250 mil florin

733

E caso cu David Kock a logra hiba na un final exitoso pa su cliente Franklin Hoevertsz (ex director di Utilities Aruba NV), ta nifica un reconocemento di loke tabatin poni riba papel caba.

Na inicio di aña pasa a surgi un conflicto entre Hoevertsz y Utilities, pa cual a pidi pa disolve e contracto na Corte. Na final di e prome caso aki, Hues a otorga un compensacion di 160 mil florin. Sinembargo a keda den aire un stipulacion den e contracto cu ta bisa cu si disolve e relacion di trabou cu no ta pa su culpa, e mester haya un compensacion adicional.

Utilities mester paga Franklin Hoevertsz casi 250 mil florin

Utilities mester paga Franklin Hoevertsz casi 250 mil florin. Click link pa mas https://24ora.news/38BKwKw

Posted by 24ora on Thursday, February 13, 2020

No tabata por a trata e punto ey den kortgeding, solamente a pidi un adelanto riba e compensacion ey cu e lo mester haya. Door cu Utilities no tabata kier a reconoce e pago ey, despues di resultado di e kortgeding, a dicidi pa cuminsa otro caso.

Utilities a bringa pa no paga nada pero Corte a duna Hoevertsz razon y a otorgue un compensacion di casi 250 mil florin. E suma aki mester wordo paga, apesar si Utilities apela e decision aki. Awo ta bay manda notificacion pa Utilities pa nan haci e pago.

E compania estatal tin seis siman pa apela e decision.