Aruba ta den e fase caminda cu lugarnan di bende cuminda y bebida ya a habri nan porta pa sigui brinda nan servicio na local y bishitantenan di e isla. Mas cu claro manteniendo tur protocol stipula pa Gobierno y Departamento di Salud Publico Aruba (DVG/DBZ). Esaki ta significa cu mas trahador por bai bek na nan funcion laboral den e sector di Food & Beverage den diferente compania di Hotel, Restaurant, Truck di Cuminda, Catering, etc.
Pa por cuminsa traha bek, cada trahador cu ta trata cu cuminda y bebida mester percura pa tin nan carchi berde actualisa of lo mester cumpli cu un carchi berde nobo. Un di e test rekeri pa por ricibi carchi berde ta e X-Ray Thorax. Urgent Care Aruba (UCA) na Centro Medico Noord ta facilita tur trahador pa cumpli cu e test y resultado di X-Ray Thorax ariba e mesun dia y ta percura pa manda tur resultado directamente na Servicio pa Combati Malesa Contagioso (DBZ) – Seccion di Carchi Berde.
Pa e servicio aki no ta rekeri pa reserva un cita ya cu nos ta acepta walk-ins. E departamento di Radiologia ta disponibel di Dialuna pa Diabierna 8am pa 12:30pm/ 2pm pa 5pm, como tambe ariba Diasabra entre orario di 8am pa 12pm. Prijs di e test ta AWG. 75,-.
Urgent Care Aruba (UCA) ta compronde e situacion cu pais Aruba ta pasando aden, pa es motibo ta crea e posibilidad pa companianan rond di e isla por aplica pa un credito of prijs special pa grupo di empleado serca UCA. Nos ta ofrece tur compania y departamento di Human Resources cu acceso na un plataforma online (Dashboard) unda nan por visualisa y controla e estado di cada empleado den tempo real. Esaki ta facilita cu e proceso wordo cumpli na un manera organisa y oportuno pa nan cumpli cu tur rekerimentonan di DVG/DBZ.
Pa cita, informacion of pregunta por comunica na telefon: +297 586-0448 of +297 597-5579, email [email protected]. Pa tur informacion y noticia relevante bishita nos website www.urgentcare.aw of ariba nos pagina di Facebook: Urgent Care Aruba.
