Pa di 4 aña consecutivo, riba Bispo di Pasco, Parlamentario Alan Howell, como cofundado di Uptowm Awards a reconoce e atletanan di Pariba di Brug cu a resalta y destaca den diferente deporte den 2017/2018. Uptown Awards a reconoce esunnan cu durante aña a destaca den diferente area. E biaha aki a reconoce diferente atleta.
Alan Howell a cuminsa for di 2015 cu Uptown Awards y e biaha aki a sali bishita e atletanan top di Pariba di Brug cu a destaca sea local of internacionalmente representando nos pais, pero specialmente Pariba di Brug y San Nicolas.
Banda di e atletana , tambe a reconoce dos persona cu a resalta grandemente cu nan talento artistico, esta Shaniqua Jones y Taiisa Alleyne.
Alan Howell a subraya e bunita sentimento di mira con tanto e atletanan reconoci como nan famia a aprecia e gesto aki cu a bin den forma di sorpresa.
E atletanan di Pariba di Brug cu a ricibi un reconocemento di Uptown Awards ta:
- Shaquille Barry
- Andre Bryson
- Taryon Punselie
- Owen van der Wijne
- Arnaldo Libert
- Miguel Delgado
- Ansheal Berkel
- Jobenson Myrthil
- Tirsa Regales
- Marliviënne Lampe
- Jaydrick Geerman
- Omar Gonzalez
- D Quon Mc Bene Coutar
- Jowelle Illidge
- El-Jean Perez
- Tirslain Jansen
- Sigmar Tromp
- Kendrick Paula
Alan Howell a expresa na cada un di nan cu e ta hopi orguyoso di nan y pa nan sigui riba e gran rumbo cu nan ta bayendo.