Dos conocido di husticia a keda deteni den un accion relampago di Unidad K9 di KIA. Diabierna mainta autoridad a para e hobennan den un Nissan Sentra color cora net prome cu nan a yega e crusada di Palm Beach riba Sasakiweg. E unidad di K9 a listra auto y hobennan haciendo uzo di cacho cu ta hole pa sustancianan prohibi. A bin haya algun paki di droga riba e hobennan. Polis a keda yama na e sitio y tuma e dos hobennan over pa hibanan warda pa nan detencion.
