Uni korsou den moveshon

181

Fundashon Alton Paas ta hopi kontentu i agradesido kon inklusivo nos komunidat ta birando i ku ta teniendo kuenta ku hendenan ku ta usa ròlstoel. Despues di a terminá e temporada intensivo di nos Curacao Inclusion Award den 2017 awor nos ta trahando riba inklushon for di un otro perspektiva ku ta moveshon.

Hopi persona ta kòrda e ultimo edishon di e Fitness Challenge i e ambiente ku ela krea. Un di e  e personanan den ròlstul tambe partisipá den Fitness Challenge mei mei di otro personanan ku no ta den ròlstul. Esei ta un ehèmpel klave di inklushon ku komo fundashon nos ke sigí stimulá. Tur persona ku tur su abilidat den  moveshon. Pesei e yamada ta bai na abo. Sea ku ta man bo por move, sea ku ta pia so bo por move, sea ku ta mira so bo por mira, sea ku ta skucha so bo por skucha, sea ku bo ta sobrepeso òf bou di peso, jòng òf edat avansá nos ke uni Kòrsou den moveshon. Ku e intenshon pa demostrá kon inkusivo nos ta komo komunidat i tambe empoderá otro. Nos tur ta Kòrsou i mas nos uní, mas fuerte nos abilidatnan ta bira. Kada aña Fitness Challenge a bin ta krese i ta hañando mas partisipashon. Esei sigur ta pasobra nos tur ta mirando e importansia di moveshon i un estilo di bida mas saludabel.

E ser humano ta diseñá pa move. Pa 99.9% di historia humano, e aktividatnan fisiko tabata parti di e bida diario i algu normal di e mundo diario (Astrand, 1986). E aktividat fisiko di tur dia tin un base biologiko den nos kòntrol sentral i inaktividat ta stroba e funshon normal i ta kontribuí na desbalansenan kroniko (Rowland, 1998). Nos kurpa tin un nesesidat inherente pa hasi ehersisio. Pa un persona ku dwarslaesie sigur moveshon ta esensial pero pa tur persona moveshon ta importante i ku esaki asta por aportá na e kambio di kustumbernan pa nos bai logra bira un komunidat ku un estilo di bida mas saludabel. Pa e ultimo 4 edishonnan nos tur a kustumbra ku Fitness Challenge ta den yanuari pero pa e di 5 edishon nos a yega na un fecha diferente kual 4 di mart 2018. Pesei Fundashon Alton Paas ke informá Kòrsou pa reservá 4 di mart 2018 pa e di 5 edishon di The Annual Fitness Challenge ku lo bai tin kosnan hopi great kompará ku añanan anterior. Reservá 4 mart 2018 pa “Uni Kòrsou den Moveshon”.